JAM� LO VAS A SABER (EN LATXN)

JAMÁS LO VAS A SABER (EN LATÍN)
Letra de Abel Aznar
Musica de Manuel Sucher

NUMQUAM RUINAM MEAM SCIES

Me non videbis deiectum neque me videbis victum,
non despicies me rotantem Tarpeiano illo modo;
non ambulo per tabernas, ut deleam memoriam     tuam;
etsi haec imaginaris, sane tete decipies.
Mentionem tui oblitterabo tristibus mei sermonibus;
fortasse gutta labatur et madidet has genas;
valetudinem fortasse bonam propinem amicis
sed timeo ne in lacrimis mollitiam cordis tradam.

Tu semper mihi adludebas
et ridebas de meis curis,
numquam scies ruinam meam:
utrum iam te obliti simus
an sortem maledicam.
Putabunt me mentiri omnes,
quia  horas priscas recolo.
Utrum subridere possim
an tristitiam manducem
numquam, numquam, crede, scies. 

Nullo modo iactaberis, abstine superbia tua,
me viderunt solum tristem, amore depereuntem,
vultum tuum anhelantem et faciem quam pulcherrimam,
sed hoc in notitiam tuam nullo modo subibit.
Dolores crudeles mordeo, alligo cogitationes,
neminem percontaberis de profundis cordis mei:
si diem consumam plangendo, si vino luam maerores,
denuo dico, male scortum, numquam ruinam meam scies. 

Latine reddidi Radulfus